講到美國四仔界嘅長青樹，非Bree Daniels莫屬，出道11年嘅佢，人氣一直強勁，奠定四仔天后地位，而且樣貌同身材都Keep得好Fit，難怪咁多粉絲冧佢啦！
能夠喺美國四仔界紅到5年已經難，仲要紅足11年兼外形仲係咁索，更係難上加難。不過對於Bree Daniels嚟講，就一啲困難都冇，事關佢由出道至今都人氣高企。早前有網民驚訝咁話：「乜原來Bree Daniels已經出道咗11年嗱？」呢番話並冇引嚟四仔迷恥笑，因為唔少人見到Bree Daniels嘅演出，都以為佢係新進脫星，冇辦法，因為佢真係保養得好好，完全睇唔出原來佢已經出道咗咁多年，而且一啲都唔似28歲，相對其他輕熟女脫星，Bree Daniels真係後生好多！
18歲投身四仔界嘅佢，出道前曾做過舞蹈員及收銀員，喺一次偶然嘅機會下，佢被星探發掘，問佢有冇興趣做成人模特兒，當時佢覺得可以搵到快錢，就一口答應，結果憑住迷人外形喺裸模界一炮而紅，先後為多本男士雜誌拍攝火辣寫真，又喺成人網絡視頻演出，獲得極高人氣。冇幾耐，佢就被著名嘅寫真網站Twistys睇中，更評選為裸模之星。
之後，Bree Daniels開始拍四仔，初期佢主力演出女同題材作品，佢解釋係因為唔習慣同男優演床上戲，而喺2012年嘅AVN頒獎禮獲得「最佳女同演出」嘅提名。自此之後，多間大型片廠都向佢招手，先後同Vivid、Reality Kings、Evil Angel等片廠合作，人氣更係超勁，2014年及2015年再次喺AVN頒獎禮獲得多項提名。
不過有人覺得奇怪，以Bree Daniels嘅人氣及四仔迷對佢嘅熱愛，點解多年嚟一直未能獲獎呢？Bree Daniels坦言自己並唔係一個善於同人溝通嘅人，因此好少跟導演及片廠打關係，於是減少咗大家認識佢嘅機會。雖然係咁，仍然冇影響佢嘅作品銷量，而隨住佢變得更加成熟，女人味更濃，同時床上演出愈嚟愈精彩，令粉絲人數有增冇減，結果上年喺Spank Bank Technical頒獎禮奪得「最佳三人行性愛演出」，亦係佢多年嚟喺四仔界成績嘅肯定。不過對Bree Daniels嚟講，未來目標係開設四仔製作室，佢表示一直都有構思唔同嘅題材，希望透過成立製作室可以將自己嘅諗法同大家分享。
要紅足11年，仲要索足咁多年，真係唔易，而Bree Daniels之所以做得到，佢話秘訣在於有規律嘅生活，作息時間要定時，食嘢要有節制，開餐同樣要定時，仲要日日做運動，咁先至可以保養得好，難怪鮮有更新個人Twitter嘅佢，每次分享福利相，都會吸引大量粉絲派Like啦！
網址：https://twitter.com/breedaniels1
出生日期：1991年11月18日
身高：170cm
三圍：34C-24-35
撰文：魂