林子善跳艷舞王君馨狂塞錢
藝人林子善、王君馨及劉穎鏇等昨午於電視城為新劇《超能使者》開工，拍攝子善以「彩虹戰士Look」直踩夜場跳艷舞，獲君馨等狂將金牛塞進其褲內，場面香艷，子善搞笑說：「跳舞咪得囉，做乜鬼嘢演員吖？」
談到身形弗爆，子善坦言接獲通知後花了數月時間鍛煉：「試衫時褲襠穿窿，成隻『雀仔』跌咗出嚟，要服裝同事改衫先得。」又表示原本與陳山聰一齊跳，後來監製指配合劇情，只留他一人Solo。而君馨笑指很想用手機拍下精彩一幕傳給子善太太：「話唔定佢泵奶再勁啲，做佢太太真幸福。（叫你老公跳？）佢比較怕醜。」
另外，提到日前開工被劉穎鏇用掃把仆中頭受傷，子善說：「我即刻捉佢隻手去摸我個瘤，依家已經好番。佢平時好努力，今次唔小心啫！」