梁漢文「食肉獸」破功
歌手梁漢文昨日到電台宣傳新歌《再見童夢零》，將於10月舉行紅館騷的他說：「大家一定問開唔開得成，但我答唔到，因為我都唔知。依家決定樂觀向前行，有開會、排Rundown，仲有出新歌。今年係30周年，時間過得好快，希望呢個包羅萬有嘅30周年紅館騷，可以帶力量同希望畀大家。」
他坦言為個唱減肥出盡法寶，繼飲「縮水湯」後，又挑戰食肉減肥法：「開頭以為淨食肉10日係簡單到爆，但一日三餐咁食法，平時都唔覺咁膩。」所以自爆第4日已「破功」，並笑言未試過如此想食菜：「呢個經驗幾得意，雖然重咗一磅，但脂肪係有減到，有信心減到目標嘅140磅。」