藝人林盛斌（Bob）日前應飲食界朋友邀請飯敍，講飲講食又大談疫情期間的生活，他坦言平日甚少下廚：「我煮餸嘅機會係接近零，最近一次煮畀全家係某年情人節，整牛扒、意粉、忌廉湯係最極限，上年情人節煮個即食麵就算。（最鍾意食乜？）打邊爐！因為受爸爸影響，佢食飯鍾意有個爐，隨時放啲食材落去。公司有大活動都會打邊爐，氣氛最好。」提到早前禁聚令未能一家人出外食飯，他反而多了時間留在家中，增進感情。
