黃光亮錄情歌表白 陳煒：慳啲啦！
67歲藝人黃光亮自資6位數字錄製情歌圓夢，他坦言不求回報：「80年代係黃霑發掘我有中低音聲線，我咪拜佢為師，之後佢畀埋錢我去學聲樂同打鼓。試過有次我飲醉酒去佢度過夜，霑叔即席畫咗公仔字畫送畀我，當中蘊含人生哲理。」
黃光亮如願出新歌，當然要給「夢中情人」陳煒試聽。他們兩年前合作無綫劇《果欄中的江湖大嫂》結緣，黃光亮坦言至今仍被煒哥的美色迷倒，即使對方有男友，亦大膽表白。煒哥聽完歌曲後，對其深情演繹大表驚訝，對於表白，卻不客氣地以「慳啲啦！」回應，叫他死心！黃光亮笑說：「拍劇當日我未知佢離咗婚咋，否則一定追佢！（依家人哋有男友都追？）我未見過佢男友，見到可能打咗佢！」