「可以喺我生活圈出現」 連詩雅狂讚陳家樂好
藝人連詩雅（Shiga）近日被爆與陳家樂秘密撻着，家樂更夜訪女方香閨。Shiga昨日出席《刑偵日記》拜神時說：「之前去濟州拍節目，成班人friend咗，一直都有傾偈。（係咪拍拖？）感情嘅嘢唔回應，希望大家畀啲空間，嚟緊有新劇《那些我愛過的人》出街，自己好緊張觀眾反應。（同家樂一齊追劇？）我會同媽咪睇。（請教家樂演技？）想請教周柏豪、惠英紅、姜皓文。（家樂夜訪你香閨？）感情同埋私人嘢都唔回應。」
Shiga未有否認戀情，更大讚家樂為人友善人品好：「自己唔係一個容易同人熟嘅人，做到好朋友都係心地善良、人品好，先可以喺我生活圈出現。」她在新劇中飾演法醫昆蟲學專家，但原來她相當怕昆蟲，最驚曱甴，要好好克服。