胡鴻鈞馬國明爭咀蔡思貝？
無綫劇集《降魔的2.0》演員馬國明、胡鴻鈞、黃智雯、劉佩玥等昨日在將軍澳電視城宣傳，玩遊戲時黃智雯以被C君形容為「惡心」印有其頭像的心形咕𠱸，向Dry爆的馬國明示愛撫慰心靈，相當搞笑。
馬國明對劇集將大結局感不捨，希望再有機會原班人馬合作！問到會否開拍《降魔的3.0》？他說：「要問監製，但係結局係有伏線嘅。」而胡鴻鈞笑謂咀戲仍有發揮空間，馬國明取笑說：「你啲錫戲真係差少少，畀我唔會咁。不過今次錫係有目的，希望下次係感情咀戲啦！」胡鴻鈞被問到最想與哪位女演員咀嘴？他笑說：「冇所謂。（緋聞女友蔡思貝？）要睇吓有冇機會合作先。（如果C君同蔡思貝揀錫邊個？）若果劇情需要，錫馬國明都得。」馬國明則笑說：「我就當然揀錫思貝啦！」
智雯表示與劉佩玥今次合作可謂相逢恨晚，一拍即合，劉佩玥說：「佢係一個可以傾心事嘅姐姐。」智雯則指劉佩玥開工時會不時找她傾訴感情及私人問題，好像變成了愛情專家。智雯雖然經常被取笑懵，但劉佩玥覺得她很「佛系」甚有智慧，大智若愚。黃智雯又透露故事構思了三輯，但能否成事則要看編劇寫劇本。
