英國搖滾樂隊Queen的72歲結他手Brian May，近日於社交網站自爆早前心臟病發險死：「我本來以為自己好健康，但結果發現有三條動脈塞咗，幾乎斷絕流去心臟嘅血液供應。」他接受「通波仔」手術後已回復健康。
不少樂迷網友紛紛送上慰問與致敬，令Brian很感動，笑言像參加自己的葬禮聽到致詞一樣：「我知咁講係好怪，但感覺係好似我死咗，但仍然有機會出席自己葬禮，聽到所有致敬。我成日諗，葬禮時你成日聽到好美妙嘅致詞，但死咗嘅人根本聽唔到，而我好幸運可以聽到晒，依家人生已經圓滿！」