蔡潔被笑膚淺一個Tea氹掂
邵氏特別節目《飛虎同學會》第三集昨日凌晨於myTV SUPER上架，今集請來有份參演劇集《飛虎之雷霆極戰》的靚女余香凝、蔡潔，再加上吳卓羲擔任嘉賓。今次三人於劇中有感情線，主持錢嘉樂、陳敏之問到兩位靚女與Ron首次合作，覺得對方如何時，余香凝說：「真人靚過上鏡啦！Man囉！（佢有冇撩你？）冇喎！」Ron聞言即謂：「咁死啦！我靠個樣搵食(口架)！」蔡潔則謂：「佢喺我印象中係古裝樣嚟，因為細細個睇《大唐雙龍傳》。」
Ron指拍攝《飛虎》時，余香凝於拍攝現場甚少說話，故很驚跟她說話時會惹來誤會，錢嘉樂即問余香凝：「佢有冇話放工我哋搵個地方試吓戲？」余香凝笑言沒有，Ron即向錢嘉樂說：「乜你對我嘅印象真係咁差咩？」蔡潔指起初怕Ron為人火爆，但其實他為人很好、很細心，第一日開工就請大家食Tea，不過就被Ron笑她膚淺。
處女作大挑戰
蔡潔第一部電影便獲金像獎提名「最佳新人」，重提在戲中與曾志偉有場大膽戲份，她說：「導演都知呢場戲唔易做，想我挑戰。」錢嘉樂謂：「咁曾生就親自同你試戲？」蔡潔害羞的說：「我哋冇試戲。」Ron則笑言：「直接嚟就拍嘞！」
