湯洛雯：阿媽驚我未婚有BB！
藝人湯洛雯昨日在將軍澳電視城為新劇《一笑渡凡間》開工，她笑言罕有地以女妝示人：「今日真係千載難逢，成套劇都係男人婆嚟，淨係得呢個女仔Look。」
她早前被爆買逾四千萬豪宅頓成圈中「筍盤」，她笑說：「單身啫！唔敢當，都係同屋企人住，唔係有家底，都要供樓。開工冇時間識人就係真嘅。（去參加船P識人？）我唔曬得，開外景已經由朝曬到晚，放假我都係喺屋企瞓覺，繼續做宅女，緣分就等佢漂嚟啦！（搵個筍盤幫手供樓？）話搵就搵咩，寧願搵到啱嘅人，都唔想離婚，結得婚就一生一世。」她指父母沒有催婚：「不過我阿媽好驚我未結婚就有BB，由十幾歲講到依家三十幾歲，叫我哋唔好蝕抵，哈哈！」