梁詠琪日日煩「今晚食乜餸」
歌手梁詠琪（GiGi）昨日到電台宣傳新碟，實體碟包裝成紙藝書，限量幾千隻，而今次是不計成本製作，希望歌迷可以有個回憶。
講到受疫情影響，她笑言每日都要諗不同活動給囡囡玩，幸好囡囡易滿足：「畀張畫紙同畫筆佢可以玩到一個鐘，不過佢每晚臨瞓前都會問我哋聽日會做咩。（大壓力？）呢兩個星期好啲，可以行吓公園。」不過，GiGi大呻最煩不是要為囡囡諗娛樂活動，而是要諗一日三餐吃甚麼：「Idea就嚟乾塘，以前仲話間中可以出去食，但最近成日都喺屋企食，今晚食乜餸真係最難諗，好彩老公同囡囡都易養，因為我哋食素，慣咗清淡。」