唐詩詠爆鄭嘉穎：生到有女為止
唐詩詠昨日在將軍澳電視城拍攝無綫新劇《超能使者》，熱愛跑步的她笑言投入工作時，竟然出現時差：「之前愛上咗跑步，每晚好早瞓，朝早6點就去跑，搞到依家開工到夜晚11點幾就眼瞓，但係6點幾就醒咗。自己唔想放棄跑步，想好似周潤發咁勁、咁堅持，依家朝早照同林子善去跑，跑完再瞓再開工。」
提到「跑友」有江美儀，問詩詠可有參加周潤發的跑步團？她笑言：「冇可能，美儀已經係喺發哥裏面最低級，但係都好勁，我比美儀更低級，要追上佢先。」對於「阿哥」鄭嘉穎宣布再做老竇，可知是仔還是女？她說：「恭喜咗佢啦，未知呀，我諗阿哥想生女，可能佢會好似陳豪咁不停生，生到有個女為止，哈哈。」