鄭嘉穎兩年抱兩：開心到爆！

年屆50歲的鄭嘉穎達成「兩年抱兩」心願，昨日在社交網發文公布喜訊，指囝囝Rafael將做大哥哥：「Rafa is going to be a big brother soon！」並上載多張全家福，太太陳凱琳（Grace）雖着上花花鬆身裙，但明顯已見肚。其後Grace亦在社交網分享喜悅：「Rafa好快就要做哥哥啦~好開心可以喺『520』宣布我哋家庭將會多添一個新成員！喺呢段日子，好感激我老公嘅細心照顧，亦都要多謝屋企人同朋友幫我保守呢個秘密，同時送上充滿愛嘅祝福畀我哋！」

受訪時，嘉穎坦言有了家、老婆及小朋友，才知道世上最大的「樂」是天倫之樂。他表示婚後過得好開心、好充實，很期待新成員的來臨，更直言：「開心到爆！」而Grace受訪時笑說：「真係好開心，終於可以宣布，第二胎佗得好穩定，屋企人特別係老公好照顧我，所以心情好好，希望繼續開心佗BB。第二次做媽媽有心理準備，所以都放心嘅。」

好姊妹取經

至於「少婦聯盟」好姊妹龔嘉欣及譚凱琪亦送上祝福，嘉欣說：「真係好戥佢哋開心，又多一位新成員，因為佢哋真係一個好有愛同Sweet嘅Family，我都會向佢哋學習同取經！」譚凱琪則笑說：「恭喜Grace，好戥佢開心呀！（幾時到你？）唔係我話幾時就幾時，到有好消息會同大家分享！」而好友陳嘉寶亦送上十級祝福：「佢哋基因咁好，期待BB。」