區永權生壞棚牙 與靚仔無緣

區永權（Albert）早前於社交網上載中學時期的學生相，因當年「小鮮肉」外表而引起網民熱話，更被指似足陳曉東而力推為「校草」。對此，Albert謙稱當年並非校草，只是五官尚算端正，他更自爆原來童年時曾因甩門牙而被封為「崩牙仔」，加上牙齒不整齊，故與「靚仔」稱號無緣，他說：「我細個嘅時候，好鍾意食住粒糖瞓覺，所以成日有蛀牙，而且我啲牙大隻，唔夠位生，搞到啲牙好凌亂，唔太美觀。」他續指留意到兩個兒子同樣有牙齒參差不齊的問題，故打算在他們升中後便安排箍牙，希望能及早矯正。