吳嘉儀等足四年 難得扮專業

無綫藝員吳嘉儀（阿七）早前忙於拍攝新劇《踩過界II》，劇中她扮演律師樓師爺，即張曦雯（Kelly）、秦沛（Paul）的得力助手。她笑指挑戰專業人士角色對她而言甚有難度：「其實入咗無綫四年，真係第一次做專業人士，之前拍《愛．回家》同其他劇都比較輕鬆，今次個形象好Smart，場場都着西裝裙，初時唔太習慣。好彩身邊嘅Paul哥、Kelly會帶我入戲。」
吳嘉儀第一次做專業人士，距離成功又跨前一步。
吳嘉儀第一次做專業人士，距離成功又跨前一步。

此外，首次有機會與前輩秦沛合作，阿七坦言獲益良多：「第一日同Paul哥一齊開工好驚，因為佢嘅氣場好勁，同埋公司所有台前幕後都好尊敬佢！相處過後，發現佢真係好玩得，又成日搞Gag氹大家笑！好佩服Paul哥嘅敬業精神，希望佢有時間可以再返嚟拍劇！」

秦沛廣受台前幕後尊敬，難得前輩毫無架子，一齊嘴嘟嘟拍照留念。
  • 秦沛廣受台前幕後尊敬，難得前輩毫無架子，一齊嘴嘟嘟拍照留念。