「舞小姐」劉芷希唔撈 返鄉下嫁機師男友
事業剛見起色、現年34歲的無綫「舞小姐」劉芷希（Kimmy）決定不續約無綫，前日急返家鄉吉隆坡繼承父親的中藥批發生意，並計劃與拍拖3年的機師男友結婚，他日再等機會搏殺演藝事業！
沙灘晒33D彈起
Kimmy於2012年當選《中華小姐環球大賽》亞軍，並勇奪「完美體態小姐」及「最高貴氣質小姐」，共奪3項殊榮，2017年在港參選《香港珠寶小姐》奪冠並決定留港發展，其後簽約無綫3年，演出雖以小角色為主，但早前在劇集《黃金有罪》演「舞小姐」甚為搶鏡，加上身材火辣，在一場舞女去沙灘玩樂的場口穿性感泳衣大騷33D咪咪，立刻引起熱論！而在近日熱播的《降魔的2.0》中，她飾演馬國明的女優偶像，更以日本女優之名「瑠佩悅子」推出寫真集，當中有女僕Cosplay造型，極盡誘惑！
接手家族生意
Kimmy日前就不再續約一事受訪，坦言：「父母年事已高，因為新冠肺炎疫情，我同屋企人要分隔兩地。我個約3月就滿咗，媽媽好想我返過去陪吓佢哋，而爸爸年紀大，佢做中藥批發生意，想我幫手打理。完成呢幾件事後，我會再演戲，因為我太愛演藝事業，今次只係暫別！」
她直言視香港為第二個家，希望完成人生計劃後再戰影視圈，問到可擔心與另一半的感情受考驗？她說：「我哋識咗3年，之前Long Distance係有問題，所以今次返去要安定好家庭問題先。父母好鍾意佢，可能怕我再遲啲嫁唔出，所以想我快啲結婚生仔。（男友介意你性感演出？）佢係飛機師，又喺外國長大，性格鬼仔，我哋相處係互相信任，唔會有詐型！」