為許廷鏗生B？鄭欣宜嫌醜
藝人鄭欣宜及盧冠廷等昨午現身山頂舉行抗疫音樂會，適逢母親節，欣宜坦言想念亡母：「但依家以唔同方式懷念，用唔同嘅角度去過母親節，事關自己最好嘅朋友生咗個仔，我覺得契仔好似我，BB依家開始識爬。（令你考慮做媽媽？）好事嚟，不過暫時未有對象，不如你哋（記者）介紹畀我。（許廷鏗囉！）我唔可以同佢交配，事關玩過個app，我哋嘅下一代會好醜樣，淨係個鼻已經佔咗成塊面70%。」
而抗疫期間，欣宜慶幸收入冇大幅減少：「好多客戶都明白，改為要求我網上甫圖發文宣傳。疫情未去到好嚴峻之前，我仲去咗日本學舞，返嚟自行隔離14日。」她表示目前日日「化行妝」拍片於網上與粉絲互動，但自嘲拍片技術麻麻。