藝人黎瑞恩早前舉行的網上禁聚令歡送會Live騷，籌得六百個飯盒，她昨日偕同一對子女做義工到銀杏館分發「愛心福飯」幫助「老友記」，度過極有意義的母親節！
昨日網晒做義工相片的她接受本報訪問，說不用子女送禮物，反提議齊齊做義工：「原來(手畢)飯同派飯唔簡單，要喺啱啱煮起、熱辣辣嘅飯桶，為免降溫，要好急趕(手畢)落飯盒，對仔女都好畀心機做。今次係同兩個家庭同埋五位年輕人一齊做，希望以身作則同教育，令年輕人知道佢哋其實好幸福，因為呢個世界仲有好多人需要幫助，同埋母親節唔應該只係大吃大喝，都可以做多啲善事助人。」