栢芝陪鍊車 栽培兩個仔夾Band

與兒子的相處，栢芝向有一套，昨日母親節，她剪輯了一段「給兒子的話」影片，並親自配音在社交網分享。她為培養Lucas和Quintus成為男子漢，特意帶他們去賽車，片中栢芝最後說：「無論如何，你哋永遠都係媽媽心目中最驕傲嘅男子漢，媽咪希望你哋心中有愛，做一個善良、強大嘅人，我依家盡自己努力，守護你哋每一個，等你哋長大之後，就轉換角色，由你哋守護媽咪。」

時裝店復業打點

栢芝在母親節給兒子慈愛的叮嚀，在其他重要日子同樣盡顯無盡的愛。日前她便化身「多功能媽咪」，先到其位於中環的時裝店打點。其實栢芝為「避炎」，時裝店已停業近四個月，期間糧照出，獲不少網民大讚好老闆。幸近日疫情緩和，時裝店亦恢復營業，一向親力親為的栢芝，日前返舖頭打點，執拾地方兼整理貨品，忙完一大輪，即由「老闆」變身「肉緊媽咪」，帶着大仔Lucas（謝振軒）、Quintus（謝振南）及弟弟張豪龍到尖沙咀某琴行購物，期間不時提點兩個仔要注意衞生，不要捽眼及要勤用搓手液，現年12歲的Lucas，已長得高過媽咪。

掃完貨，栢芝帶兩個仔匆匆離開。

幫Lucas揀T恤拼上身睇。

當眾人抵達琴行後，即被途人認出，穿上碎花長裙的栢芝，一點也不像三子之母，而Lucas、Quintus亦獲讚靚仔，四人於琴行主要看低音結他，兩兄弟全程有商有量，最後選了一支淺綠色的低音結他及結他袋，之後，栢芝陪Lucas揀T恤，而豪龍則幫Quintus選了一個擴音器，眾人逗留約45分鐘後離開，Lucas更主動幫細佬孭結他，相當細心。

送結他畀Quintus

記者上前欲跟栢芝做訪問，她不想小朋友出鏡，禮貌地婉拒後便匆匆離開。因Quintus於明日10歲生日，每年栢芝都會精心安排生日會跟Quintus慶祝，但今年因疫情關係只好暫停。記者事後致電栢芝經理人，問栢芝是否買結他送給Quintus作生日禮物？她說：「係呀，因為哥哥學緊結他，Quintus想同哥哥一齊Jam，所以今年生日願望係想要一支Bass。（兩兄弟感情好好喎！）係！細佬當哥哥係偶像，哥哥亦識好多嘢，可以教到細佬。」