馮盈盈避緋聞 認有「語」癌
前港姐馮盈盈被指與「大隻仔」主播鄭衍峰暗撻三個月，除自爆除夕是「紀念日」外，更被發現用情侶枱墊，疑似同居！昨晚盈盈出席公司活動時統統否認，自嘲有「語」癌，說話沒條理才引起誤會。
馮盈盈、黎諾懿、高海寧、余德丞、鄧佩儀、黃美棋及丁子朗等，昨日出席無綫《big big shop感謝祭》活動。對於與緋聞男友鄭衍峰在社交網先後上載同一枱墊的照片，惹來同居疑雲，盈盈有備而來說：「張枱墊出面家品店都有得賣，59蚊一塊，唔止我一個人有。（傳同居？）我搬出嚟自己住，係一個蝸居嚟，都唔夠位擺嘢，冇啲咁嘅事。」問到雙方關係是否只限於幫手泊車？她說：「《#後生仔傾吓偈》有好多人都幫我泊車，我同佢係好朋友，平時都有約出嚟食飯。」
唔止一個人追
談到在節目自爆去年除夕與鄭衍峰一起過，並以「紀念日」形容，她說：「講呢句之前，陸浩明話除夕影嘅相變咗3月新聞，我話應該放耐啲，放到今年除夕咪可以紀念番，真係純粹無聊講。（覺得自己有語障？）語癌添！講嘢真係冇乜條理，依家改善中，大家唔好睇小我得一個追求者啦！（即係佢追緊你？）唔特別講，如果唔係咪好瘀！（咁係咪你隻兵？）我唔會話人係兵，不過佢傳得（緋聞）都係《3日2夜》高質素嘅，咁即係我都唔差啦！總之有戀情嘅話，等成熟咗就會公開。」
至於忙拍攝新劇《刑偵日記》的黎諾懿表示，與黃浩然、姜皓文及惠英紅等好戲之人合作，尤其惠英紅氣場甚大。而高海寧則透露母親節會買長腳蟹孝敬媽咪，又自言正為新劇《七公主》積極減磅。