藝人何遠東昨日到電台宣傳熱播劇《十八年後的終極告白》及《降魔的2.0》，他劇透《十》劇餘下一個星期的劇情峰迴路轉，而且未必是大團圓結局，並乘機「投訴」陳山聰對他「施暴」，因經常被對方捏乳頭，事後更發現有瘀傷，故笑爆說將來會搵其囝囝「報仇」：「彈佢……耳珠，等佢腫啲，睇落有福氣呀！」
此外，他又自爆剛榮升做老闆，與多名友人合資開網上家品店，或會做生招牌、叫好友宣傳：「一定會搵胡鴻鈞！（搵埋佢緋聞女友蔡思貝？）我同佢都係好好朋友！」問到會推薦甚麼家品給這對緋聞情侶？他抵死笑說：「情侶浴巾！如果……佢哋係一齊嘅話！」
