林凱恩冧掂兩個媽
在劇集《愛．回家之開心速遞》飾演「譚育英 （Bonnie）」的藝人林凱恩，於母親節前夕邀請劇中母親「譚何容儀」吳香倫與媽媽一同慶祝，分別送上耳環及戒指作為母親節禮物，令兩位甜到入心！
早前林媽媽在農曆新年到以色列旅行，當時因疫情剛爆發不久，令林凱恩擔心不已：「我一個人返到屋企，平時有媽咪陪我、煲湯畀我，所以我覺得好空虛。」但林媽媽爆料指回家要幫她執手尾：「我發現洗衣機入面全部都係佢嘅污糟衫，所以我第一時間係幫佢洗衫。」而吳香倫亦大讚林凱恩聰明乖巧，對方在現實生活亦視她為媽媽一樣：「有位同事請我哋食雪糕，我當時有少少唔舒服，食到一半，佢叫我唔好再食。我好羨慕林媽媽，有一個咁靚、咁叻又咁乖嘅女。」
