仆落按摩店開舖 鄧洢玲無悔貼錢「養仔」

鄧洢玲貼錢守業又遭網上平台欠錢，仍堅拒放棄。

她透露過去個多月心情超級忐忑，有朋友勸她「壯士斷臂」，稍後才捲土重來：「但除咗演藝事業，呢度係我投放最多心血嘅地方，真係好似親生仔，所以真係冇咁樣考慮過。」她坦言有向政府借錢，以免影響營運及員工生計，亦有貼錢幫補。她更自爆有網上中介平台倒閉，欠她逾萬元：「由12月爭到3月，我哋畀咗服務個客，佢嗰邊收咗錢，但冇畀我哋。最衰係佢明知自己搞唔掂，仲叫我哋同其他舖頭開多幾個位嚟做宣傳，佢就可以收多啲客嘅錢。」

• 按摩店重開，鄧洢玲親力親為打點。