舊愛鄭裕玲送歌祝賀

鄭裕玲昨日到電台開咪，問可知舊愛呂方三喜臨門，她大方送祝福：「有睇到新聞，好恭喜佢呀！希望佢哋一家大細永遠幸福！（傳Message畀佢恭喜？）冇，冇聯絡啦！透過報道祝福啦！（好意外？）我哋都分開咗咁耐，冇話咩意外唔意外，大家都Move On，但非常戥佢開心！」問會否送上禮物或欣賞對方的紅館騷，她說：「遲啲先算啦！（認識Rainbow？）差唔多啦！總之恭喜佢哋！」開咪期間，她透過大氣電波公開向呂方祝賀兼送「禮」，點播由他主唱的《彎彎的月亮》。