藝人羅浩銘身手了得，曾演出過不少危險動作場面，在劇集《十八年後的終極告白》中他飾演與陳山聰出生入死的兄弟，惟被其中一場企圖強暴楊秀惠的戲份考起，他說：「打打殺殺我就演得多，不過強暴真係要花啲時間去揣摩，本身同佢好熟，唔知點入手，最後佢叫我放鬆啲演就順利完成。」對於楊秀惠榮升母親，他送上祝福：「相信個女會遺傳晒媽媽基因，一樣咁靚。」
另外，說到他與方紹聰再度合作，他說：「我同佢喺《特技人》合作過，今次再碰頭。場戲講我哋互相爆樽，佢話唔可以公報私仇，唔好咁大力扑落去，其實我同佢邊有仇呢！」