羅仲謙吻腳成狂 為個女例遲

剛升任爸爸的藝人羅仲謙，日前與海俊傑為無綫新劇《陀槍師姐2020》拍攝一場追逐戲，期間棄用替身，飛身跨過欄杆，三Take搞掂。談到太太楊怡正於家中坐月，阿謙透露阿怡狀態不俗，身形依然弗，手腳也沒水腫，皮膚質素更勝從前。問到二人可適應新手爸媽生活？他說：「太太每日同囡囡沖涼，我驚自己粗魯整親佢，所以都係負責搵奶粉錢先，同埋每日陪瞓覺、傾偈、影相同拍片，出世到依家影咗成千張，我好鍾意錫佢對腳，啲腳趾仔似提子，好得意，又成日皺眉。」
羅仲謙被海俊傑追到索氣，最終跨欄逃走。
羅仲謙被海俊傑追到索氣，最終跨欄逃走。

由於連日來為劇集開工，故每日出門前也非常不捨，笑指往往會遲到廿分鐘：「佢每日個樣都變緊，擔心拍完套劇會錯過咗，所以太太每日拍片同send相我睇。（點獎勵太太？）銀行戶口畀佢自己拎錢囉！」

羅仲謙最愛吻女兒的腳仔，認真冤氣。
  • 羅仲謙最愛吻女兒的腳仔，認真冤氣。