周顯揚讚韓庚打拳搏晒命

演員韓庚、鄔君梅、姜皓文、張鈞甯演出的寰亞電影《我們永不言棄》，由於在疫情下戲院暫時關門，於是安排先在內地網絡平台播出，收得奇兵之效，成為熱播冠軍。疫情令電影業界停擺，導演周顯揚說：「反應好都幾開心，電影要有渠道放，有新陳代謝先有製作，咁係對基層最好。希望疫情快啲完結，重回正軌，人人有工開。」他對拳擊片的情意結醞釀十多年，請來韓庚「打真軍」圓夢，透過搏擊激勵人心：「拍電影大前提係要真實，韓庚跳舞好叻有根底，佢亦都想做得真實，所以搵咗啲真拳手訓練咗幾個月。最難拍係打拳要赤膊上身，所以冇得用替身，佢亦都好搏命。」