張曦雯背3頁佛偈幫王浩信靜心

張曦雯為開解王浩信，足足要背3頁佛偈對白。

藝人王浩信與張曦雯（Kelly）日前為無綫新劇《踩過界II》，到天壇大佛附近拍外景，劇情講述Kelly被浩信打暈後，眾人來到大佛尋人。浩信透露有場戲要到心經簡林，尋找與朱千雪的回憶：「喺入面就會情緒激動，Kelly就用佛法開解我，對外國返嚟嘅演員應該有啲難度。」Kelly則笑說：「有兩頁幾、三頁嘅佛偈要開解佢。（背得辛苦？）OK嘅，我哋之前拍咁多法庭嘢，但記嘅同時要好有感情先係挑戰。」

一行人在大澳取景一星期，Kelly讚環境舒服，問到可會與男友再來？她說：「佢之前有諗過帶隻狗入嚟探班，但好似有啲遠，都係遲啲先算。」浩信亦指想不到很有旅遊的感覺，相比在緬甸取景，留港可以減輕舟車勞頓：「轉Location都慳咗好多時間，呢度嘅景都幾靚，各方面都唔錯。」

張振朗諗定退休生活

同場的張振朗表示日前趁早收工，在大澳走了一圈，問到其後會否帶女友重遊？他笑說：「唔係呀！我諗住第日退休入嚟住，覺得呢度好舒服，好似去咗外國旅行咁。」蔡思貝則對大澳有種熟悉感：「因為我以前拍《山系女行》都行過好多山頭，嚟到呢度好似地頭蟲咁，回憶番以前嗰種青春，嚟到紮紮跳周圍跑。」又指來到這裏日日早上5時便起身，晚上11時就睡覺，幫他們調正生理時鐘。

張曦雯被拋落車等人營救。

蔡思貝及張振朗埋位前周圍走，似足小朋友去旅行。