洪卓立黐頭套「復工」怕熱多過甩髮

歌手洪卓立昨日到電台宣傳新歌《無他》，他表示歌曲由第三身角度講失戀，有鼓勵的意思，又透露現時準備錄下一首歌，並預計5月中出發到橫店拍古裝戲：「去到要隔離先，但依家都未確定，之前新年都拍咗啲，但因為疫情就停咗工，預計要留到8、9月。」今次首度黐頭套拍戲，問到可驚甩頭髮？立立笑說：「唔驚！好似係本身甩開先會甩，我反而驚熱多啲！本身冬天拍古裝就好啲，依家拍就甘，啲衫好厚，但試吓啦。」問到可會帶定多些消毒用品？他說：「會呀！團隊都會準備，大家都緊張。（帶埋消暑用品？）消毒緊要啲。」