剪髮變瀟灑哥高海寧怕自暴其短
藝人高海寧（高Ling）將於5月底開拍無綫新劇《七公主》，劇中飾演一名「男仔頭」司機，既麻甩又豪邁，日前特別為角色「變髮」，以超短髮示人，效果不俗，她受訪時說：「今次係我入行以嚟最短髮，因為個角色性格好『男仔頭』，監製覺得短髮會適合啲，感覺會更瀟灑！（有冇唔捨得？）只要可以令角色加分，我好願意嘗試新形象，唔會覺得唔捨得，頭髮留一陣就會長番，所以好小事！依家最怕係短髮上鏡會包包面，所以最近都好努力咁Keep Fit！」
傳甩拖：胡亂堆砌！
高Ling又透露已跟同劇一班演員進行圍讀，她表示大家都很用心做足準備，故自己都不敢怠慢：「所以及早剪短啲頭髮，平日開始說話都會粗聲粗氣一啲，希望可以快啲投入角色！」
此外，有傳她與拍拖多年的男友、音樂才子鄧智偉分手，高Ling指該報道內容跟相片只是胡亂堆砌，不是事實的事故不會回應。