陳山聰唔騷擾老友 森美撐食蛋糕正常
藝人陳山聰、黃智雯及譚俊彥等，昨日在將軍澳電視城宣傳熱播劇《十八年後的終極告白》。陳山聰對於好友謝東閔被朱智賢「背叛」，他說：「佢哋感情嘅嘢，旁觀者不宜多說，亦冇資格評論，希望當事人好好處理。（有冇搵謝東閔？）畀啲空間佢，唔想騷擾佢。佢大個仔識得處理，我哋作為兄弟姊妹會全力支持佢。」而黃智雯亦認同應給謝東閔空間，不應多談。
至於曾與朱智賢合作節目《千奇百趣》的森美，昨日出席活動時表示很關心她：「當時佢喺節目入面做邦女郎，睇吓佢哋會答啲咩啦，食吓蛋糕都係正常交往，暫時都係偷食……蛋糕啫！（但佢哋去到後山，仲要心形蛋糕！）等佢哋出嚟公開解釋啦，希望佢哋真係偷食蛋糕。」
