陸詩韻搵刺激玩換妻遊戲
藝人陸詩韻近日忙於拍攝ViuTV新劇《熟女強人》，與吳家麗、胡杏兒及吳千語等演好姊妹。杏兒於劇中飾演性治療師，詩韻則演經營紅酒生意的女強人，其劇中老公是劉浩龍，任職著名婦科醫生。雖然兩夫婦都是有錢人，非常恩愛，但性生活出現問題，要好友杏兒幫他們治療。
詩韻透露於劇中與浩龍為修補關係，參加「換妻遊戲」尋求刺激。問到現實中可會接受？她說：「其實外國真係有呢啲Case，但係香港人未必接受，我思想比較傳統、保守，現實生活中唔會發生，有機會拍到咪感受吓囉！」
記對白唔飲酒
今次是她從影以來有較多戲份的一次，更將第一次床戲獻給浩龍，她坦言很緊張：「點會唔緊張？我不停睇劇本，喺度諗究竟要點拍呢？雖然電視尺度大膽極有限，但都要表達到，所以好緊張，希望拍攝時順利，出嚟效果自然啦！」又「劇透」不乏笑料：「兩公婆都愛大家，但唔知係咪婦科醫生關係，老公冇小三，但又未必同老婆做到嗰樣嘢。」
一向愛飲紅酒的詩韻，問到拍攝時是否需要經常歎靚酒？她笑言：「唔可以真係飲，咁多對白要記，嗰啲只係利賓納，如果真飲就唔掂，希望煞科嗰日可以飲個痛快。」