前歌手陳樂榣（Ally）近年轉型開飾物店，近日出動5歲女兒Aria一齊拍攝母親節首飾系列。Aria遺傳母親表演天分，一見鏡頭即擺可愛甫士，Ally笑言甘拜下風。她透露女兒早前模仿她用電話做網上直播吃東西：「估唔到有朋友同網民捧場，仲吸引到廣告商，尤其食品方面，Aria無端端做咗美食KOL。」
她又稱與女兒無所不談：「Aria係我嘅好閨蜜，佢3歲已經用Sweet Talk冧我，例如講『媽咪你咁辛苦，我大個一定會照顧你』，有番拍拖時嘅甜蜜。」
