宅在加拿大 陳瀅難得出街搵錢嘥
無綫小花陳瀅一月返加拿大過新年，之後留在彼邦「避炎」。日前她應《黃金有罪》拍檔洪永城之邀，透過視像受訪，講述加拿大目前情況。陳瀅透露刻下甚少上街：「留喺屋企展廚藝，好似今日整曲奇餅。因為我同婆婆一齊住，有咩事唔想傳染畀老人家。早幾日我都有出一出去，見到間文具店衝入去shopping，行咗10分鐘買咗呢樣嘢。」她即展示手中的手機充電線，又笑指：「其實唔係好需要，但覺得難得出去，應該要開開銀包！」
陳瀅更「帶」洪永城出花園參觀，又展示藍天與白雲，搞笑問道：「呢度人每日7點會拍手掌，估吓乜事？」洪永城即翻白眼：「梗係支持醫護啦，唔通支持靚仔總理咩？」
而陳瀅日內將飛返香港，預算抵港後會與其他旅客到酒店，等候深喉唾液化驗結果，經14日隔離後才出關開工。