楊斯雅轟《壹週刊》失實追究到底

前港姐楊斯雅（Cindy）與男友陳光耀（Samuel）於旺角開設之性商店，昨被指售賣違禁淫藥，記者就此事致電兩人，他們均怒轟誹謗、內容失實，Samuel已第一時間到警署備案，他表示：「個報道嚴重失實，我哋根本冇賣佢哋所講嘅嘢，咁樣寫法嚴重影響我哋嘅生意同形象，所以我哋一定要採取法律行動，要求賠償同要討回公道！」

報道指Samuel化名Joe Chan賣違禁淫藥，對此，Cindy說：「佢哋成日話有個Joe Chan，咁我咪叫佢哋搵番佢囉！同埋佢哋冇影到任何交收相，《壹週刊》喺完全冇事實根據情況下就作出咁嘅報道，對我同我公司都影響好大，我哋已經採取法律行動，一定會追究到底！」

反問點解唔報警

Samuel亦指自己從沒叫過「Joe Chan」：「如果佢哋真係喺『Joe Chan』手上買到呢啲違禁淫藥，點解事前唔報警？等有警方在場下人贓並獲？佢哋咁樣作出不實嘅報道，對我影響好大，呢啲控罪係要坐監，所以我哋一定要搵律師出律師信，追究一切損失！」

有指今次事件是有性商店的員工爆料，問他們是否曾跟員工結怨？Samuel說：「佢哋講嘅員工，可唔可以攞出證明真係喺我哋公司做過先？唔好寥寥幾句，就話係知情者。」