玩潛水？臨時甩底宣傳
藝人楊明、何依婷、許家傑、吳家樂及劉溫馨等，昨午現身電視城，出席熱播劇《機場特警》宣傳，戲中扮演「夠薑」的黎振燁未有露面。監製回應時表示原本他答應出席，但之後以「另有工作」為由缺席，其他演員則對其「失蹤」原因不知情。
未知是否「啱啱遇着剛剛」，上星期劇情正交代楊明與何依婷的桃色糾紛，楊明被追問時爽快回應：「我除咗（綠）帽喇！戲內何依婷個BB係我嘅。（如果發生喺現實，你會點？）知道梗係唔開心，不過以我嘅性格，好快會帶番另一頂帽。」拍檔許家傑大讚楊明：「佢好努力，拍戲時唔食唔瞓都要操弗，搞到我唔可以懶。稍後我哋會有場戲，佢嘅演繹可問鼎今年視帝！」楊明即笑言：「我畀咗好多錢佢呀！」
有指劇末許家傑會槍殺楊明，他說：「今次係我從演以來最壞嘅角色，但好鍾意。」楊明雖然「預告」不會死，但爆料指有重要人物會犧牲。
另外，玩遊戲時大會安排眾演員重演劇中何依婷坐楊明大髀的一幕，劉溫馨與鄧佩儀的「sheshe演出」相當尷尬，反而許家傑及關禮傑借位咀爆，全場起哄。許家傑承諾若收視40點，他會脫面褲於鬧市跑步。