前港姐朱智賢背着男友謝東閔跟人夫黎振燁密會，雖然黎振燁表示是為開工做準備，但《食腦喪B》監製吳冠宇表示：「佢哋喺劇中有感情線，個劇已經拍完兩個禮拜。」而於新劇中力追朱智賢，與二人經常有對手戲的「奶仔」方紹聰，被問到事件時相當愕然，即時「吓？」了一聲，再問到他在開工時可有發覺二人有異樣？奶仔只說：「我喺片場冇理其他嘢，只係專心拍戲，所以呢啲冇回應喇！」
而該劇男主角何廣沛亦一樣不願多談，只說：「呢方面我真係唔多清楚，我同黎振燁唔多對手戲，唔清楚佢哋嘅關係。」同劇的江嘉敏昨晚受訪時則說：「我身為局外人好難畀回應，而且我同佢哋其實冇乜對手戲，唔清楚，你哋問番當事人啦！」