馮凱淇學泰文殺價
歌手馮凱淇（Cherry）新歌《一千次過後》推出撞正疫情，宣傳上不得不扭盡六壬，慶幸她除當歌手之外，還有寫作及經營泳衣生意，才不致零收入：「好多工作都被取消，但冇法，各行各業都要撐落去。（有冇打擊你繼續做歌手嘅信心？）係難做(o架)，但真係鍾意唱歌，入行目標都係想帶多啲正能量畀大家。」
至於泳衣及運動服生意，Cherry透露親自到泰國入貨，並於兩年前開始學泰文：「基本溝通可以嘅，但都可以分享入貨小秘技，就係識泰文係比外地人買嘢平3倍，因為佢哋啲價錢都係泰文，外地人唔識睇，所以佢哋講嘅價會提高幾倍。仲有一個Tips就係泰國人好鍾意認大，你叫聲哥哥、姐姐，佢哋會好冧，感覺受尊重。」