盧惠光大仔遭歧視 逃亡返港

盧惠光望子成龍，幾辛苦都供兒子盧俊諺（右）及盧俊希讀書。

不吃不喝不如廁

Jacky於英國修讀物理治療學士課程，3月時因新冠肺炎於英國急速擴散，他即「逃亡」返港，為了幫父慳荷包，他買約6,000元需轉機的機票，花了逾40小時才返抵香港。他坦言為了避「炎」，戴口罩、眼鏡、帽和穿防水膠雨衣上機，全程不吃不喝和不去廁所，相當難捱！他大嘆：「好似逃亡！」並指英國疫情爆發初期被歧視：「知道疫情爆發時好驚，但嗰邊啲人又唔戴口罩，我哋戴口罩畀人歧視(o架)！試過上堂要除低口罩先入課室，冇得防護，惟有自己小心啲，勤洗手同少出街。」

落機後，Jacky即到酒店進行14日的強制隔離，每日上網睇片和做運動，雖然酒店的「隔離套餐膳食」不俗，但他只愛吃魚蛋粉，故廿四孝老竇盧惠光經常做外賣仔，送到酒店大堂再轉交上房，相當貼心。

三父子一齊做運動抗疫。

盧俊諺「重裝備」搭飛機。

年花50萬供書教學

盧惠光非常疼錫前妻黎淑賢跟他所生的兩名寶貝仔，對Jacky更寄予厚望，年付約50萬供他到英國讀書，笑言等兒子學有所成，醫好他的骨骼舊患。Jacky亦很生性，學以致用，知道父親靠拳腳「搵食」，除了叮囑盧惠光開工小心外，亦有「跟進」其傷患。