敖嘉年買股票 唔見大半份糧
藝人敖嘉年前晚為何婉盈主持的網上直播音樂騷擔任嘉賓，他笑言要向任職10年投資顧問的婉盈請教理財心得，並自爆入行初期曾瞓身入市，最後蝕入肉：「入行嗰陣，有個同事畀咗個股票Number，成班就走去買，嗰陣我月薪七千幾蚊，買咗四千幾，慘喇！買完變仙股，見財化水。」問到哪位同事畀山埃貼士？他笑言：「佢冇做喇！投資其實要自己學習，如果再投資會更審慎，依家發現人民幣個利息幾好。」
他又指原定4月演出的舞台劇，受疫情影響延至9月，已成功向政府申請劇團防疫抗疫基金，獲7,500元。問到可會趁疫情留家勤力造人？他表示仍有接拍節目及電視劇：「拍嗰陣，基於安全問題有限制，現場執生，每次四個人，一多人就快啲行開。」