古巨基囝囝 遺傳手汗多
歌手古巨基去年年底榮升老竇一索得男，昨晚與「資深爸爸」森美大談湊仔經，期間還大騷BB的肥美腳仔，又播BB的「海豚音」尖叫聲。基仔表示自2月1日起全家未有外出半步，食物及日用品全靠網購。講到為人父親的心情，他坦言：「好神奇，BB嘅手汗最似我，手汗腳汗濕到呢，而且佢同我細個一樣一模。」
他笑言BB很少喊，但經常以海豚音尖叫：「佢應該係唱男高音，我會訓練佢唱歌，到時我退休。我有唱『做隻貓做隻狗』畀佢聽，仲有兒歌同聖誕歌，因為佢過嘅第一個節日係聖誕節。」並自爆有幫手餵奶、換片及剪指甲：「試過條尿片包得唔好，啲屎唧咗喺BB背脊。」