英國著名女星姬娜萊莉試過喺清談節目大騷奇技，就係用手指彈牙嚟演奏音樂，當時佢話細個睇才藝表演嗰陣見過有男仔玩，之後即刻走去學。
姬娜早幾日開直播，竟然喺屋企重施故技，開「彈牙」演奏會！佢今次仲向難度挑戰，即席彈奏披頭四名曲《Yesterday》，見佢不停施展「彈指神功」，睇見都覺攰。不過，喺呢個非常時期將手放入口，似乎唔多衞生喎！