歌手郭偉亮（Eric Kwok）昨日錄影ViuTV節目《晚吹—有酒今晚吹》，他笑言：「我爆咗自己一個恐懼，就係由幾歲開始好驚見到自己嘅大便，幫狗執便便，或者見到太太嘅都冇問題，但係見到自己嘅就好驚！可能細個有次屙得好勁，都想問吓心理醫生。（想克服恐懼？）有兩樣嘢好驚，曱甴同大便，如果要揀一樣克服會揀大便，因為有次要做身體檢查要驗大便，要搵太太幫手。」
