偷雞運動？楊詠彤陳曉華疑犯禁遭網民狙擊

楊詠彤

身高1米78的前港姐楊詠彤，最近不時上載行山照，「十頭身」身形成為熱話！前日，她分享玩空中瑜伽的照片，見她側身展示「逆天長腿」，再倒吊做出一字馬，難度甚高，並留言：「永不放棄的精神，練習後全身無力，但停留半空的感覺太治愈了。」

「唔係好榜樣」

不過，由於現時健身中心需全面關閉，大批網民質疑：「Studio犯法喎，仲開？」、「全城在家抗疫，疫情稍為緩和，你就出去聚會玩Yoga？」、「政府要人哋關店，仲用嚟做私人聚會，我唔知有冇犯法，但作為港姐，明顯唔係好好榜樣喎。」網民來勢洶洶，楊詠彤急忙解釋：「朋友開的Studio係暫停營業，純粹三個人自己玩。」

楊詠彤凌空晒長腿，但網民唔多Buy。	陳曉華	陳曉華玩吊環轉走煩惱，卻似乎帶來更多煩惱。

同樣有「偷雞」之嫌的還有另一前港姐陳曉華，她上周上載凌空玩吊環的短片，並留言：「上一次係五個月前，Spinning（旋轉）嘅感覺好似可以Spin走晒所有煩惱咁。」動作靚就靚，但亦惹來網民抨擊。