洪卓立醫好失眠多個肚腩

歌手洪卓立曾經歷情傷，其新歌《無他》卻以旁觀者角度為失戀人作出開導，也是對自己一種安慰及勸勉。新歌MV以「失眠」作為故事藍本，講述睡不着的他，決定落街走走，可是流連街頭又感覺孤單，於是回家找事忙，又抹窗又洗衫，他說：「MV入面有好多呢啲畫面，最後終於捱過咗好難捱嘅夜晚，重新出發，着好衫，等太陽伯伯出嚟就開工，離開呢個area。入面有少少其實係自我療傷，一啲勉勵自己嘅說話，呢啲說話其實大家都啱用。」直言間中有失眠問題的他，解決方法便是食：「通常煮個麵，可能叫個外賣，用一個『澱粉質大法』去令自己眼瞓，萬試萬靈！不過我身體入面好多澱粉質轉化成嘅其他嘢黐咗喺個肚度，哈哈！」