失聯令人擔心 許廷鏗等胡鴻鈞畀個說法

歌手許廷鏗昨日到電台宣傳新歌《無力感》，有傳好友胡鴻鈞因瞞住他和蔡思貝拍拖，令多年兄弟情決裂，不過他不覺得反面，但最近的確很少聯絡：「佢之前有message我，話工作上有啲嘢要處理先，之後會搵我，但之前鄧小巧、林欣彤音樂會我都見唔到佢。」問到可是嬲對方「有異性冇人性」？他笑言：「唔會咁講，如果佢哋有進一步發展，我都係『讀者鏗』，食花生睇呢件事發生，我身為讀者都期望佢有個說法話番畀我知，等我唔好蒙在鼓裏。（冇問佢？）我有message佢，但佢真係少啲覆。」