馬浚偉做「舅父」送金豬
榮升姨媽的楊卓娜前晚現身無綫節目錄影時，仍相當口密，直至昨天妹妹楊怡親自報喜後，她才笑指外甥女激似妹夫羅仲謙，眼仔睩睩相當可愛！問到準備甚麼禮物送給姨甥女？她說：「送啲可以保值嘅嘢，亦會封大利是畀妹妹，好多朋友同埋謙謙家姐送衫仔畀BB，加上有贊助嘛，我都想做啲小手工，但開咗頭未埋尾。（阿怡心情緊張？）唔算，因為有我媽咪，又有佢奶奶，仲有我可以陪佢坐月，反而擔心佢唔夠時間休息。」
至於楊怡契哥馬浚偉亦十分興奮，他直言：「好開心，做舅父！非常戥佢高興，希望佢一家平安，小朋友健健康康！」他表示因疫情關係，現階段暫時不會去探望：「一定唔會去探住，亦奉勸大家唔好去住，送上遙遠祝福先，等疫情過後再約食飯。」提到當年楊怡結婚，他送上「大金豬」作為禮物，現時契外甥女出世，厚禮當然亦不少得：「媽咪有大金豬，囡囡就打番隻小金豬畀佢！」
