身為螢幕好拍檔兼好友，馬國明表示已恭喜楊怡：「未睇到BB女嘅相，但無論係似爹哋定媽咪都一定係靚女，我同阿怡以前一齊拍戲有個電話群組Group，已經恭喜咗佢，最緊要係母女平安，送咩禮物等大家再研究。」
而為楊怡婚禮擔任姊妹團之一的姚嘉妮則表示：「呢個時候都係唔好去探佢哋住，等佢哋好好休息，遲啲疫情過後先至再探啦！安全至上！我會send訊息恭喜佢哋！希望BB身體健健康康，快高長大，永遠都要幸福快樂！同埋阿怡都要身體健康，坐月快樂！」
至於與羅仲謙合作《陀槍師姐2020》的鄧佩儀說：「恭喜阿謙呀！過幾日一齊開工會見到，買份BB禮物送畀佢。」