在《愛．回家之開心速遞》中飾演「賈名媛」的歌手邱芷微（Chelffy）早前參加音樂微電影「創+作」支援計劃比賽，片中她飾演醜女，但在山頂晚上拍攝時因大霧導致化特技妝有困難，期間多次「假鼻子」黐不實，結果要刪減近鏡：「估唔到山頂入夜咁潮濕，個個由頭濕到落尾，最令我感動係當時山上好大風，工作人員用身軀做人肉屏風幫我擋風，結果好多人第二日都病咗，好感激同欣賞呢班盡心盡力嘅年輕人。」今次Chelffy有別於過往的鬧人八婆角色，她直言很開心扮演不同人物：「呢套戲顛倒現實生活嘅概念，肥嘅就係最靚，瘦就唔靚，我今次為咗角色去了解fans點解咁鍾意追星，更加明白作為偶像要更加檢點。」