王浩信飛天扮落水救人有「戲」有力
無綫劇集《踩過界II》演員王浩信與謝芷倫昨日在將軍澳電視城拍攝吊威吔戲份，講述二人的車輛被推落海後逃生，他要在特技綠幕拍攝模仿在水中救出芷倫，現場動用兩部大型吊車協助拍攝。浩信說：「要扮喺水中嘅狀態都有啲技巧，要注意吐氣、手指，不過總好過喺水裏面拍，危險性冇咁高。」
浩信在半空模仿水中救人既考演技又考體力，他說：「拍咗成日真係攰，用咗七八成電力。（因為限聚令喺電視城內拍？）唔係，依家拍水中戲多數都係咁，然後再做後期特技，架車跌落水嘅戲已經拍咗。」而浩信這場落水戲是在當年他拍攝《致命復活》發生意外的地方取景，今次「重遊舊地」，他已成功克服恐懼。
至於首次拍攝吊威吔戲的謝芷倫，扮演昏迷被救豈不是很舒服？她笑說：「唔係o架，我都要用力，唔係浩信會好辛苦，不過吊威吔幾好玩。」
